Fyrsta bloggið mitt á þessari síðu. Það er því algjörlega brennisteinsgul kaldhæðni að innihald þess er að segja að ég kemst ekki með í sumarbústaðaferðina sem síðan var að mestu stofnuð fyrir. Ég verð að vinna um helgina, fékk vinnuplanið í gær og þurfti að fá að breyta helmingnum af helgunum út af frjálsíþrótamótum og sleppa sumum. Auk þess held ég að það eigi eftir að ráða einn helgarstarfsmann, og ég er bæði yngsti og nýjasti starfsmaðurinn á safninu. Svo þið sjáið að ég er ekki í aðstöðu til að fá aukafrí.
Það lítur þá út fyrir að þið séuð allar að fara með rútunni á laugardaginn. Vonandi verður það bara stemming hjá ykkur. Ég vona líka að það verði stuð í ferðinni, þið hringið kannski í mig eða ég í ykkur... þið þurfið allavegana ekki að vera hræddar um að trufla mig í vinnunni því hún er róleg... vægast sagt.
Ég hefði verið svo mikið til í að fara með en ég mun hugsa til ykkar meðan ég verð í Siggubæ, heimili alþýðufjölskyldu á fyrri hluta 20. aldar. Hafið það sem best og hittumst svo einhvern tímann þegar Gróa kemur í bæinn.

P.S. Það er frítt inn á Byggðasafni Hafnarfjarðar og þið eruð velkomnar hvenær sem þið viljið.